Мэдээ

Мэдээ, мэдээлэл

Шударга сонгуулийн төлөө иргэний нийгмийн хяналт сүлжээнээс Монгол Улсын Ерөнхийлөгчийн сонгуулийн үйл явцад хяналт тавих талаар тавьсан саналыг Сонгуулийн Ерөнхий Хороо дэмжиж, хамтран ажиллахаа мэдэгдэв. Сүлжээний гишүүн байгууллагууд сонгогчдын нэрийн жагсаалт, санал тоолох ажиллагаанд мониторинг хийхэд сонгуулийн хороодын зүгээс дараах байдлаар дэмжлэг үзүүлэх юм. Үүнд:

Ерөнхийлөгчийн сонгуулийн нутаг дэвсгэрийн хороод, тэдгээрийн бүрэлдэхүүнийг нийтэд мэдээллээ

Монгол Улсын Ерөнхийлөгчийн сонгуулийг зохион байгуулж явуулах цаг хуваарийн дагуу Сонгуулийн Ерөнхий Хороо нь 2009 оны 3 дугаар сарын 27-ны өдөр гаргасан тогтоолоороо Монгол улсын ерөнхийлөгчийн сонгуулийн нутаг дэвсгэрийн хороод, тэдгээрийн бүрэлдэхүүнийг баталж нийтэд мэдээлснийг энд толилуулж байна.

2009 оны Ерөнхийлөгчийн ээлжит сонгуулийг албан ёсоор зарлалаа

Сонгуулийн Ерөнхий хороо өнөөдөр 2009 оны Ерөнхийлөгчийн сонгууль эхэлснийг албан ёсоор зарлалаа. СЕХ сонгуулийг зарласнаас тав хоногийн дараагаар УИХ-д суудалтай улстөрийн намууд нэр дэвшүүлэх ажлыг эхлэн тав хоногийн дотор дуусах ёстойгоос үзвэл ээлжит сонгуульд нэр дэвшигчид дөрөвдүгээр сарын 4 гэхэд тодорч дуусна. СЕХ-ны дарга Н.Лувсанжав мэдэгдснээр ээлжит сонгуулийг дөрвөн тэрбум төгрөгт багтаан зохион байгуулах бөгөөд энэ сонгуульд  гадаадад байгаа Монголчуудыг  оролцуулах боломжгүй  ажээ. Сонгогчдын 75 орчим хувьтай сонгуульд оролцоно гэсэн урьдчилсан таамагтай байгаа хэмээн тэрбээр мэдэгджээ. 1997 оны Ерөнхийлөгчийн сонгуульд сонгогчдын 83, 2001 онд 82, 2005 онд 74,9 хувь саналаа өгсөн аж.

Монгол Улсын Их Хурлын 2008 оны сонгуулийн нэгдсэн дүн

Сонгуулийн ерөнхий хорооны дарга Б.Баттулга долдугаар сарын  14-нд Ерөнхийлөгч Н.Энхбаярт УИХ-ын гишүүнээр сонгогдсон 66 хүний нэрийг өргөн барьжээ.  Эдгээр 66 суудлын 39 нь МАХН, 25 нь АН, нэг нь ИЗН, нэг бие даан нэр дэвшигчид ногдож байна. Үлдсэн 10 суудал буюу УИХ-ын 25 /Баянгол/, 7 /Дорнод/, 18 /Хэнтий/ -р тойргуудын дүнг дахин тоолж буй тул албан ёсоор зарлаагүй байна. Аймаг, дүүргийн тойргийн хорооны эцсийн шийдвэрээр нэгдсэн дүн гаргах учраас маргаангүй сонгогдсон хүмүүсийн нэрийг ч өргөн бариагүй аж.

Civil Society Statement

We deeply regret the violence that erupted after the public protest on July 1, 2008, leaving several people dead, many injured, and valuable public and private property destroyed, including precious cultural artifacts. We believe this violence was an extreme expression of deep-seated anger and frustration accumulated by significant sections of the society as a result of persistent injustice and corruption.

Саналын хуудсыг хэвлэх, хүргүүлэх үйл явцыг иргэний нийгмийн байгууллагууд хянах боломжтой боллоо

“Шударга сонгуулийн төлөө иргэний нийгмийн хяналт” сүлжээнээс 2008 оны 5-р сард СЕХ-ноос боловсруулсан “УИХ-ын Сонгуулийн саналын хуудсыг хэвлүүлэх, хадгалах, хүргүүлэх, хамгаалах журам”-ын төсөлтэй танилцаж тодорхой саналуудыг тусгуулахаар хүргүүлсэн. Сүлжээнээс оруулсан саналын гол агуулга нь саналын хуудастай холбоотой дээр дурдсан үйл явцад сонгуульд оролцож буй нам эвсэл, бие даан нэр дэвшигчид, иргэний нийгмийн байгууллагуудын харилцан тэнцвэртэй хяналт тавих бололцоог бий болгох, саналын хуудасны хамгаалалтыг сайжруулах зэрэг асуудалд голлон чиглэсэн байв. Уг саналыг СЕХ хүлээн авч 2008 оны 6 сарын 8–ны хуралдаанаараа саналын хуудсыг хэвлүүлэх, хадгалах, хүргүүлэх, хамгаалах журмыг баталж иргэний нийгмийн сүлжээнээс өгсөн саналуудаас заримыг тусгасаныг сүлжээнд нэгдсэн байгууллагууд сайшаан хүлээж авлаа.

Хугацаат цэргүүдийн 20-30 хувь нь иргэний үнэмлэхгүйгээс сонгуульд оролцох эсэх нь тодорхойгүй байна

Сонгогчын үнэмлэхийг олгож эхлэхэд дөрөв хоног үлдээд байхад хугацаат цэргийн албан хаагчдын 20-30 орчим хувь нь иргэний үнэмлэхгүй байна. Өнгөрсөн оны арванхоёрдугаар сард Сонгуулийн тухай хуульд өөрчлөлт орж бүх сонгогчдод иргэний үнэмлэх, регистрийн дугаарыг үндэслэн сонгогчийн үнэмлэх олгох тухай заалт орж батлагджээ. СЕХ энэ тухай БХЯ болон ЗХЖШ-д мэдэгдсэний дагуу 2008 оны эхний ээлжийн албан хаагчид иргэний үнэмлэхтэйгээ цэргийн албанд ирсэн байна. Гэтэл 2007 оны хоёрдугаар ээлжийн цэргүүд өнгөрөгч оны арваннэгдүгээр сард Иргэний цэргийн үүргийн болон цэргийн албан хаагчдын эрх зүйн байдлын тухай хуулийн дагуу баримт бичгүүдээ бүрдүүлж иргэний үнэмлэхгүй цэрэгт иржээ.

Хэвлэл мэдээлэлд МАХН, АН-ын сонгуулийн сурталчилгаа давамгайлж байна

“Шударга сонгуулийн төлөө иргэний нийгмийн хяналтын сүлжээ”-ний хүрээнд “Глоб Интернэшнл” төрийн бус байгууллагааас, 2008 оны УИХ-ын сонгуулийн сурталчилгаанд хийж буй хэвлэл мэдээллийн мониторингийн анхны тайлан бэлэн боллоо.  
Сонгуулийн сурталчилгаа албан ёсоор эхэлсэн 2008 оны 6-р сарын 2-ноос хойших зургаа хоногийн хугацаанд,  өргөн нэвтрүүлгийн долоон хэрэгсэл  (МҮОНТВ, UBS, 25-р суваг, TV5, TV9, Eagle TV), нэг радио (MYОНP), өдөр тутмын гурван сонинд (Өдрийн сонин, Өнөөдөр, Зууны мэдээ), долоо хоног тутмын хоёр сонин (Сэрүүлэг, Хүмүүс) телевизийн нийт  629 цагийн, 99 цаг 10 минутын радиогийн нэвтрүүлэг бэлтгэн цацаж, өдөр дутмын сонины 18 дугаар, долоо хоног дутмын 2 сонин хэвлэгдэж, нийтийн хүртээл болжээ.

Сонгуулийн нэр дэвшигчдийн тоо өмнөх сонгуулийнхаас бараг хоёр дахин нэмэгджээ

УИХ-ын 2008 оны сонгуульд 400 гаруй нэр дэвшигчид оролцохоор бүртгүүлсэн ба  энэ нь өмнөх сонгуулийн нэр дэвшигчдийн тооноос бараг хоёр дахин их болж байгаа аж. Түүнчлэн 40 гаруй бие даагчид, урьд урьдаас хамгийн олон буюу 50 гаруй эмэгтэй нэр дэвшигчид өрсөлдөх гэж байна. 2004 оны сонгуульд 220 нэр дэвшигч, үүнээс 15 бие даан нэр дэвшигч байжээ.

Хуудаснууд

Сонгууль

Subscribe to Мэдээ