Мэдээ

СЕХ болон Шударга сонгуулийн төлөө иргэний нийгмийн хяналт сүлжээ хамтран ажиллана

Монгол Улсын Үндсэн хууль, УИХ-ын сонгуулийн тухай хуулийг үндэслэн иргэдийн сонгуулийн эрхийг хангах, сонгууль бэлтгэн явуулах үйл ажиллагаа ил тод, шударга, хууль ёсны байх зарчмуудыг тууштай хэрэгжүүлэх үүднээс СЕХ болон Шударга сонгуулийн төлөө иргэний нийгмийн хяналт сүлжээ 2008 оны УИХ-ын сонгуулийн үеэр хамтран ажиллах санамж бичигт өнөөдөр гарын үсэг зурлаа. 

Монгол Улсын Үндсэн хууль, УИХ-ын сонгуулийн тухай хуулийг үндэслэн иргэдийн сонгуулийн эрхийг хангах, сонгууль бэлтгэн явуулах үйл ажиллагаа ил тод, шударга, хууль ёсны байх зарчмуудыг тууштай хэрэгжүүлэх үүднээс СЕХ болон Шударга сонгууль иргэний нийгмийн хяналт сүлжээ 2008 оны УИХ-ын сонгуулийн үеэр хамтран ажиллах санамж бичигт өнөөдөр гарын үсэг зурлаа.

Сонгуулийг хянах иргэдийн саналын хайрцаг ажиллуулна

“Иргэдийн Шудрага Шүүх” ТББ сонгуулийн тойрог, хэсгийн хороо бүрт иргэд, сонгогчдын санал хүсэлтийг авах хайрцаг байрлуулж мэдээллийн мөрөөр төрийн байгууллага ямар арга хэмжээ авч байгаа талаар Монголын Үндэсний Радио Телевизийн мэдээллийн төвд өдөр бүр хэвлэлийн хурал зарлаж олон нийтэд мэдээлж байх гэнэ. Энэ нь сонгуулийг шударга явуулахад иргэний хяналт бий болгож байгаа юм гэж Монгол Ньюс мэдээллийн төвд өчигдөр хийсэн хэвлэлийн хурлын үеэрээ “Иргэдийн Шударга Шүүх” ТББ-ын тэргүүн Бат-Ялалт мэдэгдлээ.

Сонгуулийн сурталчилгаа эхэллээ

Сонгуульд өрсөлдөж буй улс төрийн нам, эвсэл тавдугаар сарын 31-нд багтаан нэр дэвшүүлэх үйл ажиллагаагаа дуусгах бөгөөд тойргийн хорооноос нэр дэвшигчийн үнэмлэхээ албан ёсоор авсан нэр дэвшигчид сурталчилгаандаа орж байна.

Сонгогчдын нэрийн жагсаалтыг эцэслэн хүлээлгэж өгөв

Иргэний бүртгэл мэдээллийн улсын төв СЕХ-нд сонгогчдын нэрийн жагсаалтыг эцсийн байдлаар нь хүлээлгэн өглөө. Тус төв Монгол Улсын хэмжээгээр сонгуулийн насны 1,561,248 иргэн байгааг бүртгэжээ. Үүнээс нийслэлд 608,568 орон нутагт 952,887 сонгогч байна. 

Сонгуульд өрсөлдөгч намууд СЕХ-нд эсэргүүцэл илэрхийллээ

Иргэний Хөдөлгөөний Нам, ИЗ-БНН, БНН, МУНН өнөөдөр 12 цагт  СЕХ-ны  байранд дайран орж сонгуульд өрсөлдөж байгаа “жижиг” намууд болон эвсэлд тэгш эрхтэй үйлчилэхгүй байна хэмээн эсэргүүцэл илэрхийллээ.

Сонгуульд өрсөлдөгч намууд СЕХ-нд эсэргүүцэл илэрхийллээЭрх баригч хоёр намаас бүрдсэн тойргийн хороодыг тараах, бусад нам болон эвслийн хүмүүст тойргийн хороодод ажиллах боломж олгох, нас барсан хүмүүсийг сонгогчдын нэрийн жагсаалтаас хасах, эрх баригч намуудаас ангид ажиллаж чадахгүй тохиолдолд гишүүд нь сайн дураараа үүрэгт ажлаас чөлөөлөгдөж 24 цагийн дотор хариу өгөхийг шаардлаа.

Сонгогчдын нэрсийн жагсаалтад “хий үзэгдэл” бүртгэгдсэн эсэхийг хянах боломжгүй байна

ИБМУТ-ийн мэдээлж буйгаар давхар хаягтай болон шилжүүлэг хийлгээгүй иргэд иргэний үнэмлэхийн хаягаар сонгогчдын нэрийн жагсаалтад шууд бүртгэгдэнэ. Түүнээс өөр зөрчил огт илрэхгүй. Учир нь Засгийн газрын тавдугаар тогтоолын дагуу иргэний хаягийн бүртгэлийг орон даяар шинээр хийх ажлыг нэг сарын эхнээс гуравдугаар сарын нэгний хооронд зохион байгуулсан. Айл бүрээр орсон, тэрчлэн отор нүүдэл хийж байгаа айлд ч очиж бүртгэлийг үнэн зөв хийсэн гэж байгаа. Тэдний эхний бүртгэлээр давхар хаягтай олон иргэд илэрснийг бүх хэвлэл мэдээллээр зарлаж СЕХ-ны вэб сайтад (www.gec.gov.mn) байрлаж байгаа сонгогчдын нэрийн жагсаалтаас өөрийн нэр, хаяг зөв эсэхийг хянах боломжийг иргэн бүрт бүрдүүлж өгсөн. Тиймээс иргэд өөрсдөө хаягаа үнэн зөв эсэхэд хяналт тавих хэрэгтэй гэнэ. Харин энэ вэб сайтын мэдээллээр зөвхөн өөрийн нэр хаяг зөв бүртгэгдсэн эсэхийг харах боломжтой байгаа нь үүнийг зөвхөн нээлттэй болгох нэр зүүсэн ажил гэж харж болохоор байна. Учир нь тухайн өрхийн хаяг дээр хичнээн хүн сонгууль өгөхөөр бүртгэгдсэн байгааг харах боломжгүй.

430 бие даагчийн мөрийн хөтөлбөрт аудит хийжээ

Сонгуулийн ерөнхий хорооноос өгсөн зөвлөмжийн дагуу УИХ-ын сонгуульд өрсөлдөх нам, эвсэл, бие даагчид дөрөвдүгээр сарын 20-ноос өмнө мөрийн хөтөлбөрөө Үндэсний аудитын газарт ирүүлж, хянуулах үүрэг хүлээж байсан юм.

Улс төрийн арван хоёр нам, нэг эвсэл сонгуульд оролцох хүсэлт гаргалаа

УИХ-ын 2008 оны сонгуульд оролцохоор улс төрийн 12 нам, нэг эвсэл холбогдох баримт материалаа Сонгуулийн Ерөнхий хороонд өглөө. 5-р сарын 19-ний 24 цаг гэхэд улс төрийн нам, эвслүүдийн сонгуульд оролцох хүсэлтийг хүлээж авах хугацаа дуусгавар болж мөрийн хөтөлбөр, сонгуулийн штабын бүрэлдэхүүн, хандивын тайлан, өнгөрсөн сонгуульд оролцсон санхүүгийн бичиг баримтаа хуулийн дагуу үнэн зөв гаргах учиртай. 

Нам, эвслийн хүсэлтийг өглөөний 10.00 цагаас эхлэн хүлээн авч өдрийн 12 цагийн байдлаар МАХН, Хөгжлийн хөтөлбөрийн нам, Эрх чөлөөг хэрэгжүүлэгч нам, Монголын ардчилсан хөдөлгөөний нам, МУНН, ИЗН, Ардчилсан нам, Ард түмний нам зэрэг найман нам сонгуульд дангаараа оролцохоо илэрхийлсэн бол Иргэний хөдөлгөөнүүд нэгдэж Иргэний эвсэл байгуулан оролцох хүсэлтээ гаргажээ.

УИХ-ын сонгуулийн зардал 7.2 тэрбум төгрөгөөр батлагдав

Батлагдсан зардлыг сонгуулийн тойрог, хороо, хэсэгт ажжиллах хүмүүсийн хоол, ажлын хөлс, саналын хуудас, сонгогчдын нэрсийн жагсаалтын маягт, сонгогчийн үнэмлэх хэвлүүлэхэд зарцуулах юм.

“Шударга сонгуулийн төлөө иргэний нийгмийн хяналт” сүлжээ байгуулагдлаа

Нээлттэй нийгэм форум, Сонгогчдын боловсрол төв, Глоб интернэшнл ТББ, Филантропи хөгжлийн төлөө төв, Хүний эрх хөгжил төв, Мидас төрийн бус байгууллагууд нэгдэн 2008 оны УИХ-ын сонгуулийн үйл явцын ил тод байдлыг сайжруулахад иргэний нийгмийн хяналт, оролцоог хангах зорилготой “Шударга сонгуулийн төлөө иргэний нийгмийн хяналт” сүлжээ байгуулагдлаа.  Сүлжээнд оролцогч байгууллагууд нь өнөөдөр хамтран ажиллах харилцан ойлголцлын санамж бичигт гарын үсэг зурав.

Хуудаснууд

Сонгууль

Subscribe to Мэдээ