Мониторинг

Хэвлэл мэдээллийн мониторинг

Инфографик - 6
Албан ёсны сурталчилгаа эхэлснээс хойш

Албан ёсны сурталчилгаа эхэлснээс хойш буюу 6 сарын 11-13-ны хооронд дээрх 5 телевизүүдийн нийт 268 цаг 43 минут 20 секундын нэвтрүүлэгт МОНИТОРИНГ хийхэд 39 цаг 38 минут 44 секунд буюу 14.8 хувь болж сурталчилгааны өмнөх үеийнхээс 1,5%-иар өсжээ. Харин сурталчилгааны өмнөх үеэс МҮОНТ-ийн сонгуультай холбоотой мэдээллийн цаг огцом өсөж арилжааны бусад телевизийнх буурсан хандлага харагдав. Нийт дүнгээр харвал МАН-ын тухай мэдээлэл 37%, АН-ын тухай мэдээлэл бие даагчдын мэдээлэл 3% -тай байна. 

Харин МЭДЭЭНИЙ хөтөлбөрийн хувьд дараах дүр зураг харагдаж байв. 

2012 оны УИХ-ын сонгуулийн өдрийн санал хураах, тоолох үйл явцын ажиглалтын урьдчилсан дүн

Шударга Сонгуулийн Төлөө Иргэний Нийгмийн Хяналт Сүлжээний 200 ажиглагч 2012 оны 6-р сарын 28-ны өдөр Монгол Улсын Их Хурлын сонгуулийн cанал хураах, тоолох, дүнг гаргах үйл явцыг Улаанбаатар хотын 6 тойргийн 112 хэсгийн хороон дээр ажиглалаа. Сонгуульд анх удаа дотоодын төрийн бус байгууллагууд хөндлөнгийн, бие даасан ажиглалт хийж сонгуулийн үйл явцын ил тод байдлыг жинхэнэ утгаар нь бодитой хангах боломжийг нээсэн УИХ-ын сонгуулийн тухай хуулийн 44.9-р заалтыг үндэслэн тус сүлжээний гишүүн байгууллага Өөрчлөлтийн төлөө Залуу эмэгтэйчүүд ТББ энэ ажлыг удирдан зохион байгуулсан ба 8 төрийн бус байгууллагын 200 ажиглагч оролцож амжилттай гүйцэтгэлээ.

2012 оны УИХ-ын сонгуулийн хэвлэл мэдээллийн мониторингийн урьдчилсан дүн

Судалгааны хугацаанд 5 телевизийн 1758 цаг 38 минут 58 секундын нэвтрүүлэгт мониторинг хийснээс 291 цаг 31 минут 59 секунд нь сонгуультай холбоотой мэдээлэл байв. Судалгаанаас үзэхэд телевизүүд сурталчилгааны хугацаанд тэнцвэртэй бус мэдээлсэн нь ажиглагдлаа. 5 телевиз бүхэлдээ МАН, АН, Шударга ёс эвсэл, ИЗНН-ын талаар түлхүү сурвалжилж, сурталчилсан байна.

2012 оны УИХ-ын сонгуулийн автоматжуулсан системийн мониторингийн урьдчилсан дүн

Бүртгэлийн хэсэгт сонгогчийн хурууны хээг танихгүй байх, хэвлэх машин гацах, компьютер гацах, мэдээллийн баазад бүртгэлгүй хүмүүс олон байх зэрэг тохиолдлууд 10 гаруй хэсгийн хороонд гарсан байна.  Компьютер гацсан нөхцөлд ихэнх тохиолдолд унтрааж дахин асаах хэлбэрээр өөрсдөө засах оролдлого хийж байсан. Хурууны хээний машин бохирдсноос уншихгүй байх тохиолдол  22-р тойргийн 12-р хэсгийн хороонд гарсан.  Юутай ч бүртгэлийн системийг автоматжуулсны ачаар 25-р тойргийн 24 хэсгийн хороон дээр дахин санал өгөх оролдлого 2 удаа гарсныг болон 9-р хэсгийн хороон дээр хүүхдийнхээ иргэний үнэмлэхээр санал өгөх гэж байсан тохиолдлыг илрүүлжээ.

2012 оны УИХ-ын сонгуулийн Саналын хуудасны мониторингийн урьдчилсан дүн

УИХ-ын сонгуулийн хуулийн саналын хуудастай холбоотой зохицуулалт болон, СЕХ-ноос баталсан “УИХ-ын сонгуулийн саналын хуудсыг хэвлүүлэх, хадгалах, хүргүүлэх, хамгаалах журам”-ын хэрэгжилтийг хянах, саналын хуудас алдагдах болон бусад зөрчил, будлиан гарахаас сэргийлэх, улмаар энэ асуудалтай холбоотой  аливаа үндэслэлгүй хардлага сэрдлэг үүсэхээс сэргийлж бодитой мэдээлэл олон нийтэд хүргэх нь энэхүү мониторингийн гол зорилго болно.  Саналын хуудасны мониторингийг сүлжээний гишүүн Сонгогчдын боловсрол төв хариуцан гүйцэтгэсэн ба төслийн хүрээнд саналын хуудсыг хэвлэхээс эхлэн, хадгалах, хамгаалах, зарцуулах (ялангуяа нөөц саналын хуудас) саналын хуудсыг архивт шилжүүлэн өгөх үйл явцыг хамруулан хяналт тавьсан юм.

2012 оны УИХ-ын сонгуулийн Сонгогчдын нэрийн жагсаалтын мониторингийн урьдчилсан дүн

Сонгогчдын нэрийн жагсаалтын мониторингийг хэрэгжүүлэх төлөвлөгөө гарахдаа хамгийн их шилжилт хөдөлгөөнтэй байгаа тойрог, хэсгийн хороог сонгох байсан ч Нийслэлийн Бүртгэлийн Газраас ирүүлсэн тоон мэдээллээс энэхүү сонголтыг хийх боломжгүй байсан тул хамгийн их хүн амтай, шилжин суурьшигчид ихтэй, том дүүрэг гэдгээр нь Сонгинохайрхан дүүрэг буюу УИХ-ын сонгуулийн 26 дугаар тойргийн 20 хэсгийн хороонд сонгогчдын нэрийн жагсаалтын мониторингийг хэрэгжүүллээ. УИХ-ын 26 дугаар тойрог нь 2012 оны 5 дугаар сарын байдлаар СЕХ-ны дүнгээр 179518 сонгогчтой байсан.

Зөөврийн битүүмжилсэн хайрцгаар санал өгөх үйл явц зохих журмын дагуу маргаангүй болж өнгөрөв

УИХ-ын сонгуулийн 25 дугаар тойргийн 50 дугаар хэсгийн хороонд Цагдан хорих 461 дүгээр ангид цагдан хоригдож байгаа сонгогчид, УИХ-ын сонгуулийн 24 дүгээр тойргийн 25 дугаар хэсгийн хороонд Албадан саатуулах, баривчлах төв буюу Дэнжийн мянгын 111-д саатуулагдаж байгаа сонгогчид 6 дугаар сарын 27-ны өдөр зөөврийн битүүмжилсэн хайрцгаар саналаа өглөө. Энэ үйл ажиллагааг Шударга сонгуулийн  төлөө иргэний нийгмийн хяналт сүлжээний гишүүн Филантропи хөгжлийн төлөө төвийн ажиглагчид хянаж ажиглалт хийлээ.

Хэвлэл мэдээллийн мониторингийн 2 дугаар шатны дүн

“Шударга сонгуулийн төлөө иргэний нийгмийн хяналт сүлжээ”-ний гишүүн байгууллага болох Глоб Интернэшнл ТББ нь УИХ—ын 2012 оны сонгуулийн сурталчилгаанд хэвлэл мэдээллийн мониторинг хийж УИХ-ын сонгуулийн тухай хууль болон СЕХ, Харилцаа Холбооны Зохицуулах Хороо (ХХЗХ)-оос хамтран баталсан журмын хэрэгжилтэд хяналт тавин ажиллаж байна. 6 дугаар сарын 06-27-ны өдрийг дуустал үргэлжлэх 3 үе шаттай хийгдэж буй судалгааны 2 дугаар шатны дүн болох 6 дугаар сарын 12-19-ний хооронд хийгдсэн судалгааны дүн гарлаа.

Нэрсийн жагсаалтын мониторингийн эхний шат дууслаа

Энэ хугацаанд дээрх 20 сонгуулийн хэсгийн хороонд хамаарах 876 тоот сонгогчийн бүртгэлийг хаягийн дагуу очиж тулгаж үзэхэд 88 сонгогч нь уг хаягт байдаггүй гэсэн мэдээлэл байгаа бөгөөд эдгээрээс 53 сонгогчийн нэрийг болон бүртгэлийг шалгуулахаар Нийслэлийн Иргэний бүртгэлийн Газрын Хяналт шалгалтын тасагт өгсөн бөгөөд энэ мэдээллийг Сонгуулийн Ерөнхий хороонд давхар өгсөн. Одоогоор албан тоотын хариу ирээгүй байгаа болно.

УИХ-ын сонгуулийн саналын хуудас хэвлэгдэж дууслаа

Өмнөх хэвлэлийн мэдээгээр УИХ-ын сонгуулийн саналын хуудсыг хэвлэх үйл ажиллагааны явцын талаар товч мэдээлэл хүргэсэн билээ. Энэхүү мэдээгээр саналын хуудсыг хэвлэх, хадгалах, хамгаалах зэрэг үйл явцуудад ажиглалт хийсэн тухай мэдээллийг бэлтгэн хүргэж байна.

НЭГ. САНАЛЫН ХУУДСЫГ ХЭВЛЭЖ, СЕХ-НД ХҮЛЭЭЛГЭН ӨГӨХ ҮЙЛ АЖИЛЛАГАА.

УИХ-ын сонгуулийн саналын хуудсыг 06 сарын 10-ны өдрөөс 06 сарын 19-ний хооронд хэвлэж дуусгасан. Саналын хуудсыг 7 хоногийн хугацаанд хэвлэж дуусгахаар анх тооцсон хэдий ч зарим тойргийн саналын хуудсыг дахин хэвлэх зэрэг шалгааны улмаас хэвлэх үйл ажиллагаа 10 өдрийн турш үргэлжилсэн.

Pages

Сонгууль

Subscribe to Мониторинг