Баян-Зүрх дүүргийн найман хороонд 900 гаруй хүнийг сонгогчийн нэрийн жагсаалтад илүү бүртгэжээ

Санал.мн 2008-06-07 06:54

2008 оны тавдугаар сарын 28-наас зургадугаар сарын 3-ны хооронд Баянзүрх дүүргийн найман хороонд хаягийн давхцалтай 17587 нэрийн жагсаалтаас 12815 бүртгэлийг хаягаар нь очиж шалгалаа. Тэдгээр иргэдийн 3215 нь сонгогчийн нэрийн жагсаалтад бүртгүүлсэн хаяг дээрээ байна.

Дээрх хаяг дээрээ байгаа 3215 хүнээс 405 нь дараахь шалтгаанаар сонгуульд оролцож чадахгүй гэнэ:

Гадаад явсан, сонгуулийн үеэр байхгүй - 129 хүн
Бүртгэлтэй хаягнаасаа сонгууль өгөхгүй болон ерөөсөө сонгуульд оролцохгүй - 136
Сонгуулийн үеэр хөдөө явах - 140 хүн байна.

Хамгийн ноцтой зөрчил нь насанд хүрээгүй хүүхдүүдийг бүртгэлд оруулсан явдал байлаа. Тухайлбал, БЗД-ийн 16-р хороо, сүүний 27-р байрны дугаар тоотод амьдардаг, 2006 онд төрсөн Энхсаруулыг 1987 онд, 13-р хороо, дүүргийн дугаар гудамжны дугаар тоотод амьдардаг, 1996 онд төрсөн Мөнхцэцэгийг 1975 онд төрсөн гэж бүртгэсэн байна.

Шалгасан хаяг болон хаяг дээрээ байгаа хүний тоог дараахь хүснэгтэд харуулав.

№	Хороо	Нийт шалгах хаягийн давхцал	Шалгасан хаягийн тоо	Үүнээс хаяг дээрээ байгаа хүний тоо	Тухайн хаяг дээр байхгүй хүний тоо
1	1 дүгээр хороо	872	872	218	263
2	2 дугаар хороо	3861	125	25	100
3	3 дугаар хороо	722	722	182	268
4	4 дүгээр хороо	1889	1870	468	692
5	13 дугаар хороо	2670	2670	669	988
6	14 дүгээр хороо	2092	2092	523	774
7	16 дугаар хороо	3936	2919	735	1080
8	18 дугаар хороо	1545	1545	395	572
	НИЙТ	17587	12815	3215	4737

Тухайн хаяг дээрээ байхгүй нийт 4737 хүнээс 9 хүн нас барсан, 1299 хүн шилжсэн, 2505 хүн түр оршин суугч байгаад нүүсэн, 924 хүн энэ хаяг дээр огт байдаггүй байна. Эдгээр иргэдийн тоог хороо тус бүрээр харуулбал:

№	Хороо	Тухайн хаяг дээр огт байдаггүй
№	Хороо	Нийт	Нас барсан	Шилжсэн	Түр оршин суугч байсан	Огт байдаггүй
1	1 дүгээр хороо	263	1	96	108	58
2	2 дугаар хороо	100	1	21	0	78
3	3 дугаар хороо	268	1	72	146	49
4	4 дүгээр хороо	692	2	187	378	125
5	13 дугаар хороо	988	0	267	543	178
6	14 дүгээр хороо	774	1	209	425	139
7	16 дугаар хороо	1080	1	292	593	194
8	18 дугаар хороо	572	2	155	312	103
	НИЙТ	4737	9	1299	2505	924

Дээрх хороодоос хүнгүй байсан болон хаяг нь олдоогүй 9635 иргэдийн хаягийн тулгалтыг мониторингийн List to people болон People to list аргачлалаар дахин шалгахаар болоод байна.

Хаяг дээрээ байгаа иргэдийн сонгогчдын нэрсийн жагсаалтад орсон байдал

Хаягийн тулгалт хийхэд дараахь нийтлэг зөрчил, хүндрэлүүд гарч байна:

- Гудамж, хашааны хаягийн зохион байгуулалт ойлгомжгүй

- План зураг хийгдээгүй, хийгдсэн зарим нь олдохгүй

- Шинэчлэгдсэн хаягаа бүртгүүлээгүй, хуучин хаягаараа байх

- Газарт орсон хэсэгт амьдарч байсан иргэдтэй холбоо барих хаяг, утас тодорхойгүй

- Хорооны бүртгэлд шилжилт хөдөлгөөний өөрчлөлтийг бүрэн тэмдэглээгүй

- Задгайд оршин суугчдыг шинээр бүртгэхдээ нэг гудамжийг зургаан өөр байршилд хуваасан тул тэдгээр нь олдохгүй

- Огт байдаггүй хүмүүсийн бүртгэлийг шалгахад тухайн хаяг дээр амьдарч буй оршин суугчдыг дургүйцэхэд хүргэх

- Ардчилсан нам, хороодын ажилтнуудын хаягийн тулгалтын ажил зарим хороодод давхцсан тул иргэд мэдээлэл өгөхөөс татгалзах байдал түгээмэл байв.

Хяналтын явцад хоёрдугаар хорооны Засаг дарга, СЕХ болон Дүүргийн Тамгын газраас албан бичгээр зөвшөөрөл авч ирэх хүртлээ мониторингийн ажлыг зогсоохыг шаардаж, сайн дурынхны хаягийн тулгалт хийж явсан хуудсыг хураан авч байв. Мөн тус хорооны хэсгийн ахлагч нар болон хорооны иргэд мониторингийн дөрөвдүгээр багийн сайн дурын ажилтнуудыг загнаж, хэл амаар доромжлох, нэрийн жагсаалт болон хэрэглэгдэхүүнийг булааж авах зэргээр багагүй хүндрэл учруулсан ч бусад хороод дээр ажлаа үргэлжүүлж байна.

Шударга сонгуулийн төлөө иргэний нийгмийн хяналт сүлжээний гишүүн
Филантропи хөгжлийн төлөө төв{joscommentenable}