Мэдээ мэдээлэл

Царцааны нүүдлээс болгоомжлохуй

Өмнөх сонгуулиудаар зарим нэр дэвшигч сонгогчдыг нэг тойргоос нөгөөд бөөнөөр нь шилжүүлэн өөрсдийнхөө төлөө санал өгүүлэх зөрчил гарч байсан тухай янз бүрийн мэдээлэл байдаг. Үүнийг манайхны зарим нь царцааны нүүдэл гэж нэрлэсэн нь бий, олон улсын сонгуулийн практикт “нисдэг сонгогч” гэх нь ч бий.  Энэ нь нөгөө л сонгууль болгоноор будлианы эх сурвалж болдог гэж муу нэр дагуулсаар ирсэн сонгогчдын нэрийн жагсаалттай холбоотой гардаг асуудал. Энэ жил энэхүү зөрчил зарим тойрог, хэсэг дээр давтагдаад байгаа буюу сонгогчдыг нэг тойргоос нөгөө тойрогт, нэг хэсгээс нөгөө хэсэгт олон тоогоор шилжүүлж байгаа талаар сонгуульд оролцож буй зарим нам эвсэл өнгөрсөн долоо хоногт сонин хэвлэлээр мэдээлэн, түүнийг таслан зогсоох шаардлагыг Сонгуулийн Ерөнхий Хороонд хүргүүлжээ.

Бүгдээрээ сайхан найрлая!

Хэдэн сар пижигнэсэн сонгуулийн дүн гарч, хуучин засаг дарга шинэ засаг даргаар солигдов. Өөрөөр хэлбэл, эрх баригч нам, ондоо намаар солигдсоны шууд нөлөө, хөдөө орон нутагт ингэж тусдаг нэгэн сайхан заншилтай болжээ. Монголчууд л болсон хойно, сонгуульд ялагдсан засаг дарга ялагдалдаа бухимдаад, ажлаа өөрийн биеэр хүлээлгэж өгсөнгүй. Нууц газар, архидчихав.

Саналын хуудсыг хэвлэх, хүргүүлэх үйл явцыг иргэний нийгмийн байгууллагууд хянах боломжтой боллоо

“Шударга сонгуулийн төлөө иргэний нийгмийн хяналт” сүлжээнээс 2008 оны 5-р сард СЕХ-ноос боловсруулсан “УИХ-ын Сонгуулийн саналын хуудсыг хэвлүүлэх, хадгалах, хүргүүлэх, хамгаалах журам”-ын төсөлтэй танилцаж тодорхой саналуудыг тусгуулахаар хүргүүлсэн. Сүлжээнээс оруулсан саналын гол агуулга нь саналын хуудастай холбоотой дээр дурдсан үйл явцад сонгуульд оролцож буй нам эвсэл, бие даан нэр дэвшигчид, иргэний нийгмийн байгууллагуудын харилцан тэнцвэртэй хяналт тавих бололцоог бий болгох, саналын хуудасны хамгаалалтыг сайжруулах зэрэг асуудалд голлон чиглэсэн байв. Уг саналыг СЕХ хүлээн авч 2008 оны 6 сарын 8–ны хуралдаанаараа саналын хуудсыг хэвлүүлэх, хадгалах, хүргүүлэх, хамгаалах журмыг баталж иргэний нийгмийн сүлжээнээс өгсөн саналуудаас заримыг тусгасаныг сүлжээнд нэгдсэн байгууллагууд сайшаан хүлээж авлаа.

Сунтаг шүүлт

Оройд залрах хурмаст олон ааштай. Харин хөлөөс тулах шороотой дэлхий минь, нэг л зангаараа, яг л ээж шиг минь! Энд миний хөндөх гэсэн сэдэв бол Монголын ард түмэн! Цагаан мангар ард түмэн маань, ээж шиг минь, дэлхий ээж шиг минь, ямагт нэг л зангаараа. Харин Төр Засаг тэртээ дээр, хямарсан хурмаст адил аянга цахилгаан нижигнүүлээд л, салхи тавьж, улаан шороо хийсгээд л, ган зудаар ээлжлэн зовооно.

Эрхэм Төрийн түшээддээ хайр зарлая!

Эрхэм Төрийн түшээд, сайд нар аа ! Та нарыг, “Тэгнэ” гэхэд би, “Тэгэхгүй нь дээ” гэж, мушгиж ойлгодог өвчтэй болчихлоо. “15 гал сөнөөгч залууг бүрэлгэсэн, хариуцлагагүй нь дэндсэн гэхэд багадах ноёдод ял сонсгоно” гэж Та нар албан ёсоор сүржигнэсэн. Би, “Хэн ч хариуцлага хүлээхгүй нь дээ” гэж ойлгосон. Тэгээд хэний нь зөв болов? Та нарын амлалтыг эсэргээр хүлээж авсан миний зөв болох шив ! “Хортой архинд шатаж үхсэн 15 хүний гол буруутанг олж тогтооно” гэж та нар амалсан. Мушгидаг өвчтэй би л болсон хойно, “Гол буруутанг бус, туслах буруутангуудын хамгийн бяцхан хэдэн хөөрхийг яллаад ам хаах нь” гэж муу амалсан. Яг л ёсоороо болж байх шиг. Нам, Төр, Засгийнхаа айлдсаны эсрэг ойлгоод яваа намайг өршөө!

Хугацаат цэргүүдийн 20-30 хувь нь иргэний үнэмлэхгүйгээс сонгуульд оролцох эсэх нь тодорхойгүй байна

Сонгогчын үнэмлэхийг олгож эхлэхэд дөрөв хоног үлдээд байхад хугацаат цэргийн албан хаагчдын 20-30 орчим хувь нь иргэний үнэмлэхгүй байна. Өнгөрсөн оны арванхоёрдугаар сард Сонгуулийн тухай хуульд өөрчлөлт орж бүх сонгогчдод иргэний үнэмлэх, регистрийн дугаарыг үндэслэн сонгогчийн үнэмлэх олгох тухай заалт орж батлагджээ. СЕХ энэ тухай БХЯ болон ЗХЖШ-д мэдэгдсэний дагуу 2008 оны эхний ээлжийн албан хаагчид иргэний үнэмлэхтэйгээ цэргийн албанд ирсэн байна. Гэтэл 2007 оны хоёрдугаар ээлжийн цэргүүд өнгөрөгч оны арваннэгдүгээр сард Иргэний цэргийн үүргийн болон цэргийн албан хаагчдын эрх зүйн байдлын тухай хуулийн дагуу баримт бичгүүдээ бүрдүүлж иргэний үнэмлэхгүй цэрэгт иржээ.

Сонгуулийн үйл явцын ил тод байдлыг хангахтай холбоотой хуулийн чухал заалтыг зөрчиж байна

Монгол Улсын Их Хурлын сонгуулийн тухай хууль болон Сонгуулийн Ерөнхий хорооноос гаргасан сонгуулийн тухай хуулийг хэрэгжүүлэх цаг хугацааны хуваарийн дагуу хэсгийн хороод сонгогчдын нэрийн жагсаалтыг 2008 оны 6-р сарын 9-ний өглөө гэхэд нэгтгэж, 2008 оны 6-р сарын 14-нд нийтэд чөлөөтэй танилцах бололцоо олгож өөрийн байранд ил тавих үүрэгтэй. Сонгуулийн 22-р тойргийн хэмжээнд нийт 42 хэсгийн хороо байгуулагдан үйл ажиллагаагаа явуулж буй. Гэтэл 2008 оны 6-р сарын 14, 15-ны өдрүүдэд 22-р тойргийн 34 хэсгийн хороодоор явж мониторинг хийхэд сонгогчдын нэрийн жагсаалт нэгтгэгдэж дуусаагүй, ил тавигдаагүй байна. 

Хэвлэл мэдээлэлд МАХН, АН-ын сонгуулийн сурталчилгаа давамгайлж байна

“Шударга сонгуулийн төлөө иргэний нийгмийн хяналтын сүлжээ”-ний хүрээнд “Глоб Интернэшнл” төрийн бус байгууллагааас, 2008 оны УИХ-ын сонгуулийн сурталчилгаанд хийж буй хэвлэл мэдээллийн мониторингийн анхны тайлан бэлэн боллоо.  
Сонгуулийн сурталчилгаа албан ёсоор эхэлсэн 2008 оны 6-р сарын 2-ноос хойших зургаа хоногийн хугацаанд,  өргөн нэвтрүүлгийн долоон хэрэгсэл  (МҮОНТВ, UBS, 25-р суваг, TV5, TV9, Eagle TV), нэг радио (MYОНP), өдөр тутмын гурван сонинд (Өдрийн сонин, Өнөөдөр, Зууны мэдээ), долоо хоног тутмын хоёр сонин (Сэрүүлэг, Хүмүүс) телевизийн нийт  629 цагийн, 99 цаг 10 минутын радиогийн нэвтрүүлэг бэлтгэн цацаж, өдөр дутмын сонины 18 дугаар, долоо хоног дутмын 2 сонин хэвлэгдэж, нийтийн хүртээл болжээ.

Сонгуулийн нэр дэвшигчдийн тоо өмнөх сонгуулийнхаас бараг хоёр дахин нэмэгджээ

УИХ-ын 2008 оны сонгуульд 400 гаруй нэр дэвшигчид оролцохоор бүртгүүлсэн ба  энэ нь өмнөх сонгуулийн нэр дэвшигчдийн тооноос бараг хоёр дахин их болж байгаа аж. Түүнчлэн 40 гаруй бие даагчид, урьд урьдаас хамгийн олон буюу 50 гаруй эмэгтэй нэр дэвшигчид өрсөлдөх гэж байна. 2004 оны сонгуульд 220 нэр дэвшигч, үүнээс 15 бие даан нэр дэвшигч байжээ.

СЕХ болон Шударга сонгуулийн төлөө иргэний нийгмийн хяналт сүлжээ хамтран ажиллана

Монгол Улсын Үндсэн хууль, УИХ-ын сонгуулийн тухай хуулийг үндэслэн иргэдийн сонгуулийн эрхийг хангах, сонгууль бэлтгэн явуулах үйл ажиллагаа ил тод, шударга, хууль ёсны байх зарчмуудыг тууштай хэрэгжүүлэх үүднээс СЕХ болон Шударга сонгуулийн төлөө иргэний нийгмийн хяналт сүлжээ 2008 оны УИХ-ын сонгуулийн үеэр хамтран ажиллах санамж бичигт өнөөдөр гарын үсэг зурлаа. 

Монгол Улсын Үндсэн хууль, УИХ-ын сонгуулийн тухай хуулийг үндэслэн иргэдийн сонгуулийн эрхийг хангах, сонгууль бэлтгэн явуулах үйл ажиллагаа ил тод, шударга, хууль ёсны байх зарчмуудыг тууштай хэрэгжүүлэх үүднээс СЕХ болон Шударга сонгууль иргэний нийгмийн хяналт сүлжээ 2008 оны УИХ-ын сонгуулийн үеэр хамтран ажиллах санамж бичигт өнөөдөр гарын үсэг зурлаа.

Хуудаснууд

Сонгууль

Subscribe to Мэдээ мэдээлэл