2020 - Эх орончдын нэгдсэн намын мөрийн хөтөлбөр

Эх орончдын нэгдсэн намын 2020 оны УИХ-ын сонгуулийн мөрийн хөтөлбөр бол монголчуудын сүүлийн 30 жил туулсан зам, мэдлэг туршлага, алдаа оноо, тулгамдсан асуудлуудаас сургамж авч Монгол Улс, Монголын төр, Монголын ард түмний язгуур эрх ашигт зохируулан боловсруулсан үндэсний үзэл санаа бүхий эх оронч бодлого, ухаарал мөн.Өнөөгийн улс төр, нийгэм, эдийн засгийн хямрал, оюун санааны задрал, ёс суртахууны ялзрал, байгаль орчны доройтол, шударга ёсны гажуудал, ардчиллын мухардал, сэтгэлгээний ядуурал нь шилжилтийн үед сонгосон улс төр, нийгэм-эдийн засгийн загварын алдаа бөгөөд улс, үндэстнээ энэ гамшиг сүйрлээс аврахад улс төр, эдийн засаг, нийгмийн цоо шинэ бодлого зорилт шаардлагатай юм.Иймд “ИХ ЭРГЭЛТИЙН БОДЛОГО” хөгжлийн хөтөлбөрөө сонгогчдодоо өргөн дэвшүүлж байна.